'வேலாயுதம்' இசை வெளியீட்டிற்கு வருவாரா ஜெயலலிதா..?

விஜய், ஹன்சிகா, ஜெனிலியா நடித்துவரும் படம் 'வேலாயுதம்'. இப்படத்தை ஜெயம் ராஜா இயக்க விஜய் ஆண்டனி இசையமைத்து இருக்கிறார். ஆஸ்கார் பிலிம்ஸ் ரவிச்சந்திரன் தயாரித்து வருகிறார்.

விஜய்யின் அப்பாவான எஸ்.ஏ.சி,  தான் தயாரித்து இயக்கிய 'சட்டப்படி குற்றம்' படத்தின் இசை வெளியீட்டு விழாவில் கலந்து கொள்ள வேண்டும் என்று ஜெயலலிதாவிடம் கேட்டுக் கொண்டார். ஆனால் அவரோ "எனது ஆசிர்வாதாம் எப்போதும் உங்களுக்கு உண்டு" என்று கூறி இசை வெளியீட்டு விழாவில் கலந்து கொள்ளாமல் தவிர்த்துவிட்டார்.

வேலாயுதம் படத்திற்கு எப்படியாவது ஜெயலலிதாவை இசை வெளீயிட்டு விழாவிற்கு அழைத்து வந்து விட வேண்டும் என்று மும்முரமாக இருக்கிறாராம் விஜய்.

சென்னையில் நேரு உள்விளையாட்டு அரங்கில் வேலாயுதம் படத்தின் இசை வெளியீட்டை பெரும் விமர்சையாக நடைபெற இருக்கிறது.

கமல் நடித்த 'தசாவதாரம்' படத்திற்கு ஜாக்கிசானை அழைத்து வந்து இசையை வெளியிட வைத்தார் ஆஸ்கார் பிலிம்ஸ் ரவிச்சந்திரன். அதே அளவு பிரம்மாண்டத்துடன்  ' வேலாயுதம் ' பட இசை வெளியீட்டு விழாவை நடத்த திட்டமிட்டுள்ளாராம். இவ்விழாவில் ஜெயலலிதா கலந்து கொள்வாரா என்பது போகப் போகத் தான் தெரியும்.