வேலாயுதம் படத்தில் ஹாலிவுட் ஸ்டண்ட் மாஸ்டர்

காவலன் படத்தை தொடர்ந்து வேலாயுத‌ம், நண்பன், பகலவன் என்று கைநிறைய படங்களுடன் பிஸியாக இருக்கிறார் நடிகர் விஜய். இந்நிலையில் விஜய் நடிப்பில் வேகமாக வளர்ந்து வரும் வேலாயுதம் படத்தின் சண்டை காட்சியை, ஹாலிவுட் ஸ்டண்ட் மாஸ்டர் டாம் டெல்மர் இயக்குகிறார்.
காவலன் படத்தை தொடர்ந்து விஜய் நடிக்கும் 52வது படம் வேலாயுதம். இப்படத்தை ஆஸ்கர் பிலிம்ஸ் சார்பில் ரவிச்சந்திரன் தயாரிக்கிறார். டைரக்டர் ராஜா இப்படத்தை இயக்குகிறார். படத்தில் நாயகியாக ஜெனிலியா, ஹன்சிகா மோத்வானி ஆகிய இரண்டு பேரும் நடிக்கின்றனர். படத்தில் விஜய்யின் தங்கையாக சரண்யா மோகன் நடிக்கிறார். காமெடியுடன் ஆக்ஷன் கலந்த கமர்சியல் படமாக இப்படம் உருவாகி வருகிறது. இப்படத்தில் சண்டை காட்சியை ஹாலிவுட் ஸ்டண்ட் மாஸ்டர் டாம் டெல்மர் இயக்குகிறார். விஜய் படத்திற்கு ஹாலிவுட் ஸ்டண்ட் மாஸ்டர், சண்டை காட்சி அமைப்பது இதுவே முதன்முறையாகும். விஜய் ஆண்டனி இப்படத்திற்கு இசையமைக்கிறார். விஜய் பிறந்தநாளன்று இப்படம் திரைக்கு வர இருக்கிறது என்பது கூடுதல் தகவல்.